7 dikas di Fashion ki podi aplika a
kualker un - Scritu pa Xibinhu69
Para quem não percebe bem o Crioulo, quero deixar claro que, esse texto vai ser traduzido para o PORTUGUÊS, pois são dicas essenciais para o nosso dia- a - dia. VALE A PENA LER!
Deixo aqui o endereço da pagina para irem lá conhecer melhor o "Xibinhu69" , vão gostar.
Tem pessoas ki ta atxa ma
ser fashion ma ta leba txeu kuzas y ma ta ezigi txeu des mas na verdade kuzas
eh ka ben asi. Fashio eh un simples expreson di kel ki bu eh y mas nada. Kada
un ta bai di un stilu diferente pa
simples facto ki kada un ten un personalidade diferente. Eh klaru ki alguns ta
apresenta un gostu ki ka ta konbina txeu kual y ten munti ke super prejudikadu
pa ses fashion mas kes la eh dikas ki ta foka na strutura corporal y mas alguns
detalhes li y la.
Eh klaru ki kualker un podi ser fashion, kualker un podi espresa el mesmo di
kel forma ki el eh kre y na kel stilu ki so el eh ten. Bu kre kumesa a mostra
mundo mo ki bo eh fashion? Ntom toma uns dikas li.
#1 - Bu ka mesti gasta txeu dinheru
Tem pessoas ki ta atxa ma
bu ten ki gasta pa bu ser fashion mas no. Para alem di ser kriativo bu ten ki
sabi ma ser chic eh ka un keston di presu mas sin di stilu y mo ki kel stilu ta
enkaxa na bo. En vez di bai kumpra kel buluzia rei di karu, kumpra un semelhante
pa presu ben mas baratu, a nao ser sib u sta pensa na dexa kel etiketa ku presu
na el pa pessoas odja kuantu ki bu kumpral. Bu sa pensa na marka? Y bu teni
dinheru? Por enkuantu sib u sa pensa na ser fashion marka y presu eh ultimo
kuzas ku debi preokupa kual. Bu podi kumpra bu ropa super karu y di marka y
pessoas ki teni dises super mas baratu podi parsi mas chic ou elegante ki bo.
#2 - Spresa bu pessoa
Un kuza ku ta odja txeu
oji en dia eh similaridadi na moda. Pessoas kre kumpra kel kes odja na otus pa
simples facto kin a otus fika fixe. Na
oras di fazi bu kompra ou skodji bu stilu fazel sem pensa na otus. Bai un loja
y kumpra kel ki txomou atenson nao kel ki bu odja otus alguen kual. Bu ten ki
spresa bo mesmo y ten munti pessoas ta kaba pa skodji un fashion ki ta dexas
orivel pa simples facto ki tudu alguen tambe sa sigui kel tendensia la. Espresa
bus pontus di vista, opinion, idea y personalidade sen medo nab u manera di
bisti sempre sen medo di kritikas, pamodi kritikas eh sinal ma bu txoma atenson
y apenas eh ta djudou midjora.
#3 - Pretu eh soluson
Na oras di duvidas, bisti
preto. Ka ten nada ki ta kombina ku kualker situason sima pretu. Poi kel jogu
di pretu y branku y kaba ku tudu duvidas, y pretu ta djuga ben ku kualker out
kor. Bisti pretu y bu sta automatikamente chic.
#4 - Bu ka mesti opinion di otus pessoas
Si bob u gosta di azul y
kelotu gosta di branku y sib u pidi kelotu pa skodji entre azul y branku eh
klaru ke ta skodji branku, pamodi eh di kela ke gosta. Mesmo kuza ku fashion, sib
u ten un gusto bu ka mesti di sabi di gostu di kelotu pamodi eh bu gostu ki ta
difiniu y faze user uniku. Fika konfortavel na kel ku ta bisti y skesi kuze ki
otus ten di fla di bu fashion pamodi ka ten ninguen ki konxeu mas ki bo.
#5 - Ten serteza di kuzas ku ta kumpra
Na oras di fazi kompra eh
rei di importante sta sertu di kel ku sa kumpra. Ko kumpra nada ku sta en
duvida kual pamodi bu ta rapendi y nen ko kumpra nada so pa kumpra pamodi eh
sta na moda. Kumpra kel ki txomou atenson y ki bu ten serteza mo ta uzaba, ko
kumpra nada pamodi pessoas teni tambe ou pamodi bu atxa ma pessoas ta gosta mas
sin kumpra kel ki agradou y esitou kantu bu odjal.
#6 - Eh bo interu
Ka bu bai ta pensa ma so
pamodi bu teni kel ropa kanpion y mo sta chic ki dja basta no. Bu ten ki toma
en konsiderason bu unha, asesorios, kabelo, makiangen, enfim tudu ki podi dexou
abo bonito(a) por kompletu. Dja bu odja pessoas ki sta uma chic mas ki metal
foi kel bosta stupidamente amarelo por exemplo, tipo nada ver neh? Na mudjer,
kabelu y peli eh rei di importante si es sta impekavel pamodi eh kes ki ta
txoma atenson txeu y ta difini beleza as vez. Lembra ntom ma eh tudu na bo ki
sa bai determina su sa fashion ou nao.
#7 - Konfiansa na bo mesmo
Ultimo mas nao menos
importante eh kel konfiansa ki nu ta karega di nos mesmos. Bisti ropas ki bu ta
odja na spedju y bu ta xinti top, ka bu sai di kaza ku duvida nab u kabesa. Si
alguen flou ma sa dretu y bu ka sa xinti dretu troooookaaa! Ki importa eh kel
ku sa xinti nao kes otus, eh klaru ku ten ki dexas kontenti ku bu stilo mas sib
u entra kualker kou ku kel sapato pa mas
feio ki seja pa otus mas bu kaminha sima ki bu eh top tudu alguen ta fla ‘wow’.
Konfiansa ku ten na bo ta parsi na manera ku ta anda, na manera ku ta rock kel
sapato ou kel kalsa gana, na manera ku ta dexa bu kabelo mexi oras ku ta anda y
na manera ku ta suri oras ki pessoas para pa djobeu y eh kela ki ta dexou ainda
mas fashion. Ser konfiante.
Eh klaru ki dipos di kel
7 dikas li tudu san a bum on y nta kridita ma dja bus ta ta pensa na algus novu
y ma algun kuza dja passou pa kabesa. Portantu di es ladu dja sta fetu y gossi
eh ku bo. Sai por ai ta dislumbra nab u fashion y sai a matar pa kualker
okazion.
Nu ta spera ma nhos ta gosta de kel tipu de post li, i ki ta sivi de ajuda a tudo nhos.
beiju_ GO! Girl&Xibinhu69
